爾遊紅黃綠 Part 1.1

韓國去過不下數多次，自由行更係我去韓國的主要選擇，今年選擇去韓國係因為舊年有個朋友約左我地一齊去韓國旅行，可惜佢今次唔得閒請不到假，所以只剩下我地兩個，不過今次韓國之旅比兩年前果次多好多黃色的銀杏樹，又有很多已經變紅的楓葉，也有些未變色的樹，紅紅黃黃綠綠的景色令今個秋天特別美麗。今次同我一齊去嘅呢個朋友～佢負責搵食同有咩優惠，而我就負責行程同交通，大家分工所以我今韓國之行都好輕鬆架！

30/10/2011　第一天　天晴　

一天走訪三間大學

坐零晨去韓國係我嘅首選，玩足六天飛到韓國都仲未天光架，哈哈！食完私個飛機餐就訓左一會便到達我熟悉嘅仁川機場喇！

我地第一時間坐巴士到酒店，放下行李便出發去我地第一個景點～高麗大學，點解去呢間大學，係因為上觀光公社個網站發現，原來呢間大學都有紅葉睇架！所以就去睇下喇！

參觀完高麗大學我地又去另一間大學～首爾國立大學，呢間係因為有雜誌介紹所以又去睇睇，去到又俾我發現原來呢間大學都有紅黃葉架！好靚喔！

韓國嘅學生真係好，每學校都有咁靚嘅環境，有ｄ羨慕添！hehehe…

參觀兩間大學我地去左仁寺洞，去仁寺洞本來想預定第二日去南怡島嘅車票，可惜我地白走一趟，去南怡島碼頭嘅直達巴士車票售罄咧！我地唯有去醫肚啦！

我地揀左係仁寺洞一間既特別又普通嘅餐廳，普通係因為食物有泡菜有飯有一隻蛋有塊肉餅嘅飯盒，特別係因為餐廳環境夠心思，食物器具夠特出，食嘅方法仲好特別，要先搖一搖個鐵盒才食架！