初次東京自由行 Part 1

相隔四日我又出發喇！哈哈！從未試過相隔咁短又去旅行呀！突然覺得自己做左個領隊咁，出完六天韓國團，四日後又出東京團，不過唔同嘅就係我係冇錢，領隊就有錢喇！不過唔緊要，玩得開心就得啦！

9/11/2011　第一天　下午有雨　

雨中起飛向東京出發

去東京選擇坐下午機，因為我朋友有張免費機票，為左要同遊日達人一齊去，再加上我好想好想去日本，所以揀左下午三點幾航班，飛到日本已經係晚上八點幾咧！第一日都唔係冇景點架！對於初次去東京嘅我去到機場個個地方都係景點喇！哈哈！

飛機到達成田空港，我地先買套票，坐ＮＥＸ出市區喇！

到達品川我地推住行李奔向酒店，今次我地住嘅酒店同早前係韓國住嘅係同一集團，房間雖然細，不過方便同平，日本嘅酒店住宿有野送架！