韓國楓癲自由行 Part 5.1

11/11/2009　第五天　天晴　  

再次走訪南怡島感受冬日戀歌的浪漫

第五日要走訪兩個韓劇拍攝地方，所以很早便出發，第一個目的地係上一次櫻痴之旅去過嘅南怡島，因為曾經去過所以有印象亦無需擔心，好喇出發lu！我地坐早上７：０２火車去加平站，早餐當然係車上食喇！

我地嘅早餐

大約８：２２到達加平，跟上次嘅天氣完全唔同，上次落雨天又天陰景ｄ相唔係好靚，不過今次天朗氣清陽光普照，所以當日心情特別好。

離開火車站我地向前行再轉個彎就到加平巴士總站，可能有很多遊客去南怡島所以巴士班次比以前密左，都唔錯所以影底佢比大家做個參考。

等左一陣就有車，好快就到達南怡島渡口，當我地下車時有一隻小狗走過來，

我走去邊佢就跟我去到邊，哦！點解呢？後來我知道係因為我拿著一個麵包袋，所以佢不斷跟著我，點算好呀，於是我走入一間便利店把麵包袋放入袋中然後再出來，而小狗亦不見了。

係渡口要再坐渡輪前往南怡島，終於到左南怡島，溫暖嘅陽光加上一陣陣嘅涼風，漫步於南怡島上，好舒服嘅感覺喔！

一路上我地遇到一對韓國夫婦兩次，佢地跟我地打招呼，到左第三次我地大家在同一個地方停下來，我地又再相遇，嗰位叔叔便教我地企什麼位置才能影出靚景，有一個靚嘅風景，有一個專業嘅攝影師

指導，所以我好滿意今次南怡島之行。

由於我地好早就出發所以中午時分我地便向另一個目的地進發，離開南怡島當然要坐船，然後再坐巴士，由於時間不吻合所以我地等了好久，雖然當日有太陽不過風很大

，等巴士的地方又空曠

，所以只好買罐熱咖啡保暖喔！