韓國楓癲自由行 Part 2.1

8/11/2009　第二天　早上有雨 下午天陰　

長途跋涉離開首爾走到慶州

呢一天很早便要出發，早上5:00起床，6:00出發目的地係慶州的彿國寺，到佛國寺需要一整天時間，那麼長車程也要去，只因這裡有我夢寐以求的紅葉，有人問為什麼不在慶州住一個晚上，因為我不想搬酒店亦衡量過一天來回也沒問題，所以選擇即日來回只是車程辛苦ｄ吧！
早上天還未亮亦下著大雨，我地已經到達東首爾高速巴士客運站，先買車飛然後到往慶州巴士等候處

此時我地看到有人在巴士旁等候但不上車，我地亦跟著一起等，突然巴士司機俾在旁乘客上車，哦！我地明白咧！早一班車因不是滿客所以俾後補乘客上車，而我地當然有份啦！雖然係分開坐不過能夠早一班車到達都所謂。車開了大約兩小時便到達一個加油站，可讓乘客下車去洗手間或者買下早餐

我地的早晨套餐麵包加咖啡

跟著司機數一數人數便開車繼續餘下車程。巴士到達第一個車站時有一段廣播，不過唔懂韓文嘅我地又點會知lee個係咩地方，幸好有人下車，於是我便給司機看看我下車嘅地方，佢便指向後方，哦！原來我地要下車喇！我便上車叫細老立即下車，幸好我地趕得到下車，否則巴士不知往那裡去了。

下車後我地跟著我手上嗰份資料在慶州長途巴士站對面坐公車到佛國寺，雖然有資料在手還是再問清楚好一點，當我地問一位小姐時，有另一位大嬸亦問我地要到那兒，我地只搖搖頭，用猜疑之心

指著佛國寺，大嬸立即指著意思應該係佢也是坐同一輪車往這個方向，可惜我地一直以懷疑之心不肯相信大嬸，車終於到車站，大家都上車，此時大嬸拿著韓幣向著我地，我地以為她想幫我地俾錢，其實佢想話我地知車費係幾錢，大嬸終於要下車喇，佢下車前同我地講我地未到，佢亦同司機講我地要到佛國寺，哦！

原來大嬸真係一個好心人，我地仲咁猜疑佢，真係有點過意唔去咧！

車終於到達我地嘅目的地佛國寺，我地先到詢問處問一下回程返慶州長途巴士站嘅上車地方，原來下車地方就係上車嘅地方喇！入佛國寺前先紅過一段路，然後要買飛跟著便入內

未入到大殿已經見到好多紅葉，真的很美，不枉我長途跋涉由酒店出發６小時來到，我覺得都係值得嘅。