韓國楓癲自由行 Part 3.2

再次返回Heyri藝術村

返回藝術村再次看看餐廳有否開門，可能當日係星期一藝術村可能關門，所以連餐廳都唔開門，我地只好在四周逛了一會便離開

回首爾方法係在下車對面坐回首爾方向嘅公車，車剛好到達車站，不過我地張T-money（即八達通）冇錢呀！

大鑊喇！荒野之地何來增值呢！幸好我地有現金唯有入錢喇！公車上又有位大嬸同伯伯人幫忙，係佢地通知我地張卡冇錢架！公車到達合井站喇！我地下車時嗰位伯伯原來在等我地，哦！伯伯真係好人，佢等埋我地係因為佢唔放心我地識唔識坐地鐵，佢同我地一同到地鐵站，幫我地問職員怎樣增值，當伯伯見到我地得到幫忙後便離開。

其實這三天我地對於兩張不同圖案嘅T-money有疑問，於是順道問下個職員，原來我張卡係１３歲至１８歲用架！

lee張至係成人用，應該得一款，下次唔好搞錯喇！

lee張就係13至18歲用咧！記得下次唔好買錯喇！

正因為咁所以我地嘅車資有出入，嗰位女職員帶我地入辦公室，佢同佢嘅上司經過一番韓語對話後，嗰位女職員就退回卡入面金額同安金，真係多謝佢嘅幫忙，否則我呢個超齡人士用錯卡會俾人罰錢架！搞清楚張卡後我便安心去另一個地方喇！

由於時間尚早，我地坐地鐵去梨花女子大學區行街，行左一陣跟著掃下街（即食下街頭小食）

好香的蛋餅

一般的紅豆餅

好大的泡夫

好味的炒雞粒

我地的晚餐

然後再揀間餐廳食個晚餐，食飽回酒店check in

這間酒店跟前一間感覺有點差別，房間好像細一點，個景當然沒有前一間好

lee道唯一令我最滿意係我地房門對面就係飲水機同制冰機，超方便一出房門就有冷熱水供應，hohoho!

但係lee間就方便得多，鄰近明洞又近地鐵站，所以打後幾晚都行夜街，令我晚晚變夜遊人變左一隻熊貓返黎喔！hehehe...