韓國楓癲自由行 Part 3.1

9/11/2009　第三天　天陰後轉天晴　

離開高樓大廈的首爾，趺落粉彩繪本的普羅旺斯

這一天要離開住左兩天嘅酒店，不過我並唔係離開韓國，但係要離開首爾，這天都幾忙架，因為我要搬酒店，覺得有點煩但冇辦法喇！所以一早６：３０就要起身，個多小時便離開，唉．．．由於酒店離地鐵站有一段幾長嘅路，我地兩個人要拖住行李步行到地鐵站，再者韓國地鐵係冇自動電梯架，哦！

好辛苦喔！我地幾經辛苦終於到達另一間酒店，ｌｅｅ間酒店好有趣嘅係佢地個lobby係頂樓，個景好靚架！由於我地亦好早到，所以放下行李便出發去我地嘅目的地。

我地的早餐

離開酒店我地要先坐地鐵到一個叫合井站，公車站對面嘅建築物，跟著再坐公車

我地等左好耐終於有公車喇！上車問問司機是否能到達藝術村，然後安心坐著第一次坐嘅公車出發喇！不過坐了不久我有點害怕，沿途了無人煙，我開始有點擔心我地是否過左站冇落車，點算呢？於是我又問司機，佢話還未到然後我地又繼續坐下，大約２小時嘅車程終於到達目的地～Heyri藝術村。lee個站冇咩人落車，下車後

感覺係荒蕪又好似個荒廢嘅廢墟一樣，

要來這裡係要尋找一套韓劇拍攝嘅餐廳，於是前來看看，我地找了很久也找不到

，於是問便利店職員，佢亦教我地應該點去，可惜餐廳沒有開門

lee道冇咩好睇，所以逛了一會便步行去附近一個好舒服好寧靜嘅小村莊～Provence普羅旺斯。

對面係韓劇花樣男子另一個拍攝地方坡州英語村

因為一本雜誌所以決定到這裡走一次，這裡面積唔算大，一磚一瓦就好似童話繒本一樣，感覺有點南法風情

我地逛了一會影了一會，跟著去尋找雜誌裡的一間店舖，原來lee度每年都會粉飾外牆，每季亦會轉變室內嘅設計，所以找了又找還是確認不到相中店舖，於是問問店員，一位懂英語女士看到我手上影印本便認出來，跟著找到我要買嘅，不過當中亦發生一些趣事，由於另一些店員唔懂英語，所以每次要找雜誌上的女士幫忙翻譯，由於她們殷勤同親切嘅服務，係lee到買左好多好香同一些美容嘅香梘，哦！我又忍唔住買野咧！

離開普羅旺斯之前，我地又尋找另一間店係一間咖啡店，然後買杯咖啡一邊飲一邊行返去藝術村