聚舊的晚餐

星期五約左兩個舊同學出來吃飯,這兩個同學跟我的生日日期好近,每年都會相約聚舊,而我又剛去完旅行當然要送手信啦!我地在利舞台一間健康食品餐廳 〜 菓一道健康餐廳,我地每人叫一個套餐跟著share食,幾好食幾健康,一間唔錯的健康餐廳,我地3個人食左$240不算貴,有個friend去完北京買左手信｡

我的北京手信

至於昨晚約左另一班舊同學出來吃飯聚舊比手信,我地去左諾士佛臺 〜 Touch of Spice泰國餐廳,這裡環境唔錯,食都ok不會太辣,我地4 個人食左$555,可能好耐冇見,傾下傾下唔覺唔覺佢地打烊啦!我地由6點幾坐到11:30佢地都冇趕我地走,哈哈!又幾好喎!

好好的併盤(店員推介果真冇介紹錯)

海鮮沙 律(小左d)

好香的蠔餅

我個friend想食的荷葉飯(粒粒蓮子,咸左d油左d)

玉子煲(熱騰騰)

7種味道甜品,食出味道應該是草莓,椰子,薄荷,青柃,藍莓,楊枝甘露,有酒味的朱古力,7種味道大家都覺有酒味的朱古力唔好味,其餘的都唔錯!

昨晚還有禮物收,一份是餐廳送因為父親節所以一人一份唔同顏色的肥皂花,另一份是其中一個舊同學去完泰國送的手信,哈哈好開心喔!

泰國手信