為了五月天而去的旅行Part 1

3/9/2011　第一天　星期六　天朗氣晴

為了五月天初嘗出外睇演唱會

香港　～　台北

今年我嘗試左獨自跟團去旅行，今次我又嘗試另一種旅遊方式，就是出外睇演唱會而去旅行，因為喜歡五月天，所以我個ｆｒｉｅｎｄ叫我一齊去睇，於是我答應左同佢一齊去睇，好開心好興奮喔！出發前要係網上秒殺，可惜秒殺唔成功，於是找五月天做代言嘅網上旅行社報名，本以為唔成功，一心覺得冇希望，怎料一個電話跟我confirm我嘅預訂，哈哈！好開心喔！所以我就展開演唱會之行喇！我還在網上訂了很多衫，哈哈！呢次要破產咧！

第一天出發前我已經開始肚痛，哦！未出發已經有唔舒服，但係我有止肚痛藥，而且我又在巴士上，我的天啊！我必須忍住到機場，幸好到達後一切辦妥，而我亦沒事了，不過臨上機前都係買左一盒保濟丸同白花油旁身。

我地坐１０點鐘多ｄ中華航空去台北，不過當大家上了飛機，準備起飛之際，機長突然廣播飛機要延遲２０分鐘起飛，可惜２０分鐘後依然未能起飛，唉！我地終於在機上等了個多小時才能起飛，等了一個鐘，就令我地本來輕鬆嘅行程變得緊密。

飛機終於起飛，個多小時機程便到達台北，下午１點多到達，等行李換錢等車，我地都要２點才出市區，到達酒店已經３點幾，本以為３點幾會有房，可惜服務員話要等等，唉！又要等，於是我地便到酒店附近便利店取貨，跟著我地還食個下午茶

取左貨食飽了，我地便返回酒店，終於有房喇！上房前有件更重要嘅事要做，就係取演唱會飛啦！接過入場卷，我心情更興奮，跟著我地上房休息一會，由於酒店距離小巨蛋超近，所以我地５點幾才出發行去小巨蛋。

站在小巨蛋對面已經見到有很多人咧！我地繞左一圈便入內，由於入內唔可以影相，所以我冇帶相機，只是用一部touch影相，再加上當時還未開始，不過都被工作人員停止，有時只偷偷地用部touch影，不過根本什麼也影不到，所以當晚影唔到相咧！

當晚現場真係好high呀！大家都聽到唔願走，吉最後要超時一個鐘呀！

幸好我地住嘅酒店超近，睇完演唱會可以好快返到酒店，返到酒店我快快沖涼，然後上床睡一覺，當晚可能太high喇！所以上左床好耐至訓得著，哈哈！