天寒地冬日本中部自由行 Part 2.1

18/2/2012　第二天　天晴　

向世界文化遺產出發

名古屋　～　高山　～　白川鄉

一早七點便食早餐

跟著便出發去白川鄉，今次同行的朋友每次去日本都做足功課，不過今次佢失策咧！因為佢沒有再睇預約好的高速巴士上車地方，所以令我地行程遲了一個小時，不過佢已經很好喇！沒有佢我兩次的日本自由行就沒有那麼好玩啦！我地終於找到正確車站買了票，在車站附近逛了一會便上車喇！

一開始都沒有太大問題，車程亦很順利，沿途由沒有雪慢慢見到雪好開心好興奮

不過當大家望著窗外風景，車慢慢停了下來，原來塞車呀！哦！我地已經遲了一班車，現在還要塞車，唉！不過我個朋友當初預留左個幾小時在高山市逛逛，所以就算我地遲了一班車也沒有問題，只是可以取消高山市景點，不過想不到遇著塞車，令我地失去預算，原定可以坐12:50班車，變成再遲一班車，唉..四個幾鐘嘅車程我地終於到達高山站

下車後我地第一時間去買高山至白川鄉巴士票，幸好我的朋友事前在香港預約左巴士票，否則我地去不到白川鄉，買完車票時間亦剩下不多，我地只在車站附近逛逛，亦在便利店買了食物作午餐，跟著便排隊等上車。

車程個多小時我地便到達白川鄉，嘩！木做的房屋佈滿厚厚白色的雪，好靚呀！由於我地時間不多，所以我地要加快腳步由白川鄉街道行上展望台。