15/6/2011 第六天 星期三 天朗氣晴
好天氣仍是好天氣
奇石林～仙境煙窗～超市
這天天氣真係好，就連我只係用一部i-pod touch都能影出好靚嘅風景相，駱駝谷逗留一會影張相便去下一個景點～仙境煙窗，聽領隊講這裡以前是精靈住的地方。
仙境煙窗～飽覽如金字塔型，圓錐型似被扭轉的黏土狀的山，以及像在塔尖載上帽子的岩山，此岩山被當地居民稱為仙境煙窗。
領隊帶大家到一處地方拍張靚相然後解散，我當然四周逛逛喇！走上山坡上，遠望呢個地方，想像一下有精靈住在這裡的情形
集合時候亦到喇！要同精靈講再見咧！離開仙境煙窗亦是離開這個奇石林，不過我地個行程還未完，還有最後一個景點～超級市場。
因為時間尚早，所以導遊加遊這個地方讓大家買下手信返屋企，領隊介紹左一種薯片，叫做罌粟花子蕃茄味薯片，本來領隊想買一箱返香港，店員幫他找了好耐，可惜沒有那麼多的貨，所以他只好放棄，而我只買了小許，不過怕被壓碎，所以找個箱好好放好，集合時間亦到，大家亦買了想買的，不過當中有一家團友買左好多好多，我地亦等左好耐，終於見到佢地，嘩！佢地買左超多，原來佢地一心想用完土耳其貨幣，於是就不停買，到俾錢時才知道超出預算，最後還是要用美金付款，唉！雖然佢地一家遲左，但時間都依然很早，五點幾便回酒店
回到酒店大家都休息一下，我就沖個涼等到七點就食晚餐。
沒有留言:
張貼留言