獨自跟團遊土國Part 1

10/6/2011　第一天

旅程的第一天有點擔心很想回家

香港　→　星加坡

我呢個土耳其團團費只不過六千幾已經玩十天好抵喎！不過燃油附加費就係團費嘅一半都幾貴架！

跟團當然要開茶會啦！茶會後就決定洗費幾多喇！我亦知道我個團只得１５人，幾好呀！人小小我最鍾意，哈哈！不過單數，咁單左我一個囉！未出發前，我一直期望有人同我夾房，不論領隊或團友，就連呢次個男領隊打俾我，我亦一直這樣期望，直至去到星加坡機場，見到所有團友，我才失望，知道後簡直晴天霹靂，我呢次旅程要獨自一個人訓咧！我真係好擔心喔！

出發日期終於到喇！我準時到達機場，只見過領隊，寄完行李接過登機証，便一個人在機場逛逛蕩蕩，跟著食個簡餐，然後去左登機大堂等候上機

入到登機大堂找個角落坐下，突然覺得很失落，眼有流光似的，心有點酸酸的，好想立刻回家

此時聽到我所坐的航班可以登機，亦看到乘客陸陸續續排隊等上機，我明白到我是不能退縮，於是立即收拾心情，跟著人龍排隊上機，開始我的土耳其之旅。

上到飛機找到坐位，安靜的坐下，領隊亦告知他的位置，各人都坐下後飛機便駛離停機坪駛向跑道，此時我的心情已經由不安變回興奮，什麼心酸想回家經已忘記了，只想快些到達土耳其展開旅遊新一頁。

十天土耳其之旅的第一天，是先坐星加坡航空晚上７：５５班機飛住星加坡，飛機起飛一小時後便食晚餐，餐後仲有杯雪糕做甜品，好滿足喔！

食飽就睡了一會，３個多小時後便到達星加坡機場，我地跟著領隊到轉機嘅航廈，再轉另一班航班飛住土耳其伊斯坦堡，到達後領隊講解在那登機閘口，幾點要上機，然後便解散。

又只剩下我一個在機場逛咧！

回味土耳其之旅～
獨自跟團遊土國 決定編　

繼續土耳其之旅～
獨自跟團遊土國Part 2.1