詩賢做了原居民

昨晚我又約左詩同另一個賢又去試食，今次又係尖沙咀有一次食韓國野嘅附近～原居民，初時我以為又係食韓國食品，入到餐廳原來係食西餐，個餐牌好特別，用黑板粉筆寫架！

而且有好多選擇，令我地好頭痛，後來我地先知，原來個餐牌只得一個，我地揀左咁耐，令到隔離果要等左好耐至有得揀，我地都唔好意思添！

前菜同主菜未黎之前先上蒜蓉包，太香太好味所以差不多食完至記得影

最後我地揀左前菜係兩份虎蝦香草鮮三文魚，一份自製鵝肝醬

主菜就揀左兩份炭燒紐西蘭西冷牛扒～牛扒岩岩好，一份燒法國珍珠雞配車里子汁～味道唔錯，個待應好好架！佢知我地想兩種都試，於是佢幫我地每人分好一份雞兩份牛，真係細心的服務

跟著我地叫左兩個甜品，一個薑味梳乎里，呢個要等半個鐘要早半小時叫定，好味道的梳乎里好香薑味喔！

另一個甜品係心太軟，我最愛嘅朱古力喔！

呢個係龍珠果我第　次見亦係第一次食都幾得意

呢度環境好舒服務又好，有機會一定會再來，哈哈！