討厭過節

再過幾日就到新年喇，今年好特別大年初一同西方情人節係同一日，有好多情侶都好頭痛，為著應陪家人定陪情人而

煩惱，啊！天呀！你地係在晒命

嘛！知你地有情人咧！有什麼好煩喎！帶埋情人返屋企拜年咪唔駛煩啦！哼！討厭呀！

唉………近年最討厭就係過節，剛過去嘅平安夜

聖誕節，一對對情侶睇下燈飾食下聖誕大餐好浪漫喔！討厭聖誕節去街，到左大除夕又係一雙雙去倒數，最最

討厭嘅就係情人節，係街上女孩總會拿著鮮花，溫馨甜蜜嘅樣子，市面上就有很多專為情侶而設嘅禮物同套餐，難道這一天就只會做情侶生意，單身嘅一群就不用外出食個餐咧！真係

討厭極呀！跟著就係農曆新年，最討厭最怕去

拜年，但係又唔可以唔去，唉！ｄ親戚總會問幾時拍拖呀？點解唔拍拖唔結婚呀？一連串點解嘅問題令我覺得好煩，

點解？我都好想

知道點解我冇拖拍，點解我冇人追，我都好想知道，係因為我唔靚

唔溫柔唔體貼唔撒嬌，定係我又惡又醜又細路女，所以至冇人追，我都好想知道點解呀…………其實真係好怕去拜年，ｄ親戚左問右問，你估我唔想咩，要遇到一個自己

喜歡而佢又喜歡我嘅人真係好難，有時可能會在對的時候遇到錯的人，又或者在錯的時候遇到對的人，緣份總愛捉弄人，唉……點解會這樣的？我真的越來越

討厭過節，特別是情人節。