遲了的航機
香港 ～ 長沙
今次的旅程是個臨時的約定，因為好久沒有同這幾個朋友一起去旅行，於是相約一起來個張家界之旅，到祖國玩我選擇跟團比較安全，由於我平日少做運動又冇行山的習慣，所以我很辛苦喔！車程長山路多呢次對我黎講真係有ｄ吃力，不過我覺得張家界都直得一去。
旅行的第一天本來下午四點出發，不過出發前收到領隊通知，我地坐嘅航班要延遲兩個幾鐘即六點幾，哦！那麼去到長沙就連飯都冇得食，唉！因為遲所以大家都在上機前食番個下午茶餐，而我就食左個熱狗
不過當我上到飛機才後悔，應該食番個晚餐才對，因為機程一個鐘，所以只有一個唔好食嘅腸仔飽，唉！真係慘！
原來坐飛機到長沙仲快過去台灣，好快我地到達長沙，第一晚我地住一間五星級酒店，真係唔錯，都有國際級水準，由於當晚我地個晚上才到達，已經沒有晚餐供應，領隊話派港幣三十元給各人，所以我地放下行李便立即出外睇下有冇野食，我地行左好耐，最終只係搵到一間咖啡廳有餐食，我地叫左個二人套餐，不過店員見到我地四個人只叫一個二人餐夠食嗎？但係我地堅持話夠，又真係夠食架！因為我地覺得已經夜咧！唔食得太多，所以係夠架！
我地食完呢個餐仲買左小小生果，跟著就返酒店休息喇！
沒有留言:
張貼留言