下雨真的有點掃興，一心用部專業相機學影相，點知落雨唉．．．真係掃晒興，不過算啦！反正黎左就好好享受一下假期，落雨有落雨嘅影嘅！照原定計劃我地第一站係國立台灣美術館，幸好係室內所以没有太大影響
參觀完美術館，我地便去附近一間手工藝品店逛逛，我地美術園商圈方向一直行，終於找到我地要揾嘅店，點知呢間店還未開
於是我地在附近逛下順便揾下食咩同埋避下雨咧！
我地揾一間餐廳，旅遊書冇介紹嘅！不過環境都唔錯，簡單嘅設計我就最鍾意喇！
ｄ咖啡都幾好味架！只係冇賣蛋糕，我地只係飲杯咖啡，
唔知係唔係店員知道我地肚餓，所以一人俾左一塊餅乾呢？ｈｅｈｅ．．．
雨不停的落，時大時細，我地差不多逗留１小時，見雨開始細便起行返回那間手工藝店，不過真的很不開心，當我地回去，看到那間店大門居然上了鎖，哦！我地一心等待開門點知．．．．真係好失望喔！我地唯有去食晚餐喇！
由於台中冇捷運，坐巴士又驚坐錯車，再加上四大機王有四個人，所以我地四天都坐的士直達目的地，真係好舒服架！
坐的士真係話咁快就到達目的地～鼎王麻辣火鍋，呢間店有好多人而我地没有訂位，所以要等差不多１個鐘，於是到附近書店逛一下，差不多時間就返去，很快就有位喇！
我地叫左一個鴛鴦鍋，一邊麻辣（微辣）一邊酸，辣湯底有鴨血豆腐，酸嘅就有菜絲，仲會不停加添架！我地覺得湯個底係會越加越辣架！
我地跟著書上介紹叫左雪花牛肉、綜合手工包、大腸頭、蜂巢牛肚、蛋餃、高麗菜，除左湯底會加添外，原來白飯係任食架！呢點我地好遲至知道，不過對我來講淨食鴨血同餸都已經好飽咧！不過晚上返到酒店我肚瀉，唔知係食得太多定係食得太辣，還是食得太多鴨血令我肚瀉呢？我都唔知點解？
呢間火鍋店除左湯底可以加添之外，有一點我要同大家講下嘅！就係當ｄ侍應落完單又或者每傳完一道菜，佢地都會來個９０∘鞠躬，嘩！這麼殷勤態度真令我佩服，我地四大機王一邊食一邊有個疑問，就係點解每枱都會拿著一袋湯底離開，迷底就係我地埋單時個侍應問我地湯底要唔要外帶（即係拎走），我地係遊客當然唔會拎走啦！嘩嘩嘩！真係要俾３個嘩！因為太好喇！湯底可加添，白飯可任食，殷勤侍應，我覺得真係唔錯，下次有機會來台中一定再試。
食飽火鍋，我地就向下一個景點進發，就係去台灣指定動作行書店～勤美誠品，火鍋店同誠品可以用走路方法，一路行一路行，沿途買下飲品，一杯好大杯嘅冬瓜檸檬，兩個人飲都好辛苦至飲得完
到達誠品已經９點幾，係呢度逛左個幾鐘，當然又有收穫喇！買完後便坐的士返酒店，呢個時候又落起雨來，落雨真係好掃興。
沒有留言:
張貼留言