秘密同遊台中 Part 1.1

今年我的旅遊計劃真的很即興，繼上次台北三天之後又一次即興之旅，記得上次回來後，四大機王中的一個見到某旅行社推出台中四日三夜自由行只需＄９５９，見到咁抵冇理由唔去架！於是我地四大機王又一次一齊出發喇！點解叫秘密同遊，因為我冇同同事講，我想試下神神秘秘咁去旅行，哈哈又幾好玩喎！唔駛買手信，輕輕鬆鬆都幾舒服，不過去完旅行冇得同人分享就．．．．有ｄ．．．幸好我可以係呢度同大家分享我呢次台中之行。

10/6/2010　第一天　天陰間中有大雨　
對於酒店有點失望

台中我都係第一次去，香港很少有直飛到台中嘅航空公司，所以呢次要在二號客運大樓check in，我未去過二號客運大樓，感覺幾新鮮，我地check in 後先食個早餐，哈哈！我地去左飲茶食下點心，跟住坐無人架駛列車返回一號客運大樓，要上機喇！

呢架係細機，不過都有個午餐嘅！

終於到達台中清泉崗國際機場，由於呢個機場比較細，；所以我地要自行步行入機場大樓架！

今次我地參加左兩當地旅行團，所以由機場到酒店嘅交通不需煩惱，會有專車接送，等左一會人齊就可以開車喇！

終於到達我地嘅酒店，外貌跟網上見嘅差不多，一心想平平地唔太錯都冇問題，點知當大家上到房打開門，嘩！個厕所．．．整體來講呢間酒店方便，酒店服務人員都很好，呢點就加番ｄ分啦！不過下次去旅行都係唔好貪平咧！

酒店大堂仲ok架!

間房都乾淨

厠所就........

大家見到嗎? 呢度有個藍有一堆線, 呢堆線就係 LAN線, 好好好好長架! 夜晚上網真係好困難, 好難上喔!