雨中郊遊日

琴日復活節假期第一天我參加左永安旅遊同Yahoo團購舉辦嘅一個團，可惜天不做美，除了上午沒有落雨，整個下午就下著雨，唉！真掃興。

早上９：００在尖沙咀中間道集合，大約九點左右上車出發，首先我地到西貢獅子會自然教育中心參觀影下相

大約１１：３０離開食午餐，午餐當然要去西貢食海鮮啦！不過團費價錢平，個海鮮餐就只有一人一隻鮑魚。

食完午餐我地便坐船觀光，首先遠眺吊鐘洲、達摩洞、象鼻崖同吊蠟燭洞

跟著坐船前住～鹽田梓，原來呢個地方是個充滿天主教特色的客家村落，有近三百年歷史，村裡面有座百多年歷史嘅教堂～聖若瑟小堂，這座教堂更獲得聯合國亞太區文化部頒發“文物優異獎”

參觀完小教堂我地沿著小路去到～活泉井水

跟著上山上行，上到山頂可以看一個哥爾夫球島

呢個時候雨開始大，導遊叫大家快快離開，於是大家都下山，跟著我地離開這個小島，船離開鹽田梓向著今次目的地～橋咀洲，呢個地方係火山岩園區，連接橋咀洲與橋頭是一條由礫石構成的連島沙洲，當潮退便會露出水面，可沿著連島沙洲步行到橋頭，我地坐嘅船開得好慢似在飄浮一樣，突然一聲巨響，跟著船長同大家講：因為今天潮退得比較多，水太淺，我地呢隻船比較大不能接近岸，為左大家安全只好返回碼頭，結束行程

船長講完有的好失望，有的上岸後打電話投訴，船拍岸後因為還有時間，導遊讓大家在西貢逛下街，而我地就搵左間茶餐廳食左個下午茶，食完便到集合地點上車，然後返回尖沙咀中間道。