詩賢齊慶兒童節

琴晚又約左詩賢s食飯，今次我地四個大朋友，係兒童節日慶祝兒童節，

哈哈！ 不過我地並唔係食兒童餐，我地去左一間韓國餐廳食韓式料理，呢間餐廳俾我嘅感覺就好似去韓國咁!

我地點左一個四人韓式燒烤套餐

首先阿朱媽上左幾個韓式泡菜，（同我上次去韓國時一樣，有很不同款式嘅！）

跟著就繼續上ｄ雞肉豬肉牛肉同蝦，仲有個牛尾湯同炆牛肋骨ｔｉｍ，呀唔記得仲有一人一個白飯，呢度老闆服務員都係韓國人，所以我覺得呢度好有韓國feel

架！令我好似返左韓國一樣，好懷念係韓國嘅日子喔！

講返間餐廳，我地四個女仔，最初將雞肉放係爐中間燒

無耐阿朱媽見到，佢就話雞肉唔好放中間，要放邊至唔會燶，跟著佢仲放左ｄ牛肉係中間炒下炒，炒左一陣佢叫我地食牛肉喇！我地就一邊食一邊傾，當牛肉被吃光，阿朱媽見我地冇反應，佢又幫我地燒埋另一ｄ牛肉雞肉蝦同埋豬肉

我又見到隔離枱有兩個女仔，又有一個阿朱媽幫佢地包生菜仲餵埋佢地食呀！哈哈！好似ｄ韓劇咁！真係好有親切感

，仿如置身於韓國，我真的想不到香港都有一間有韓國feel嘅餐廳，突然好想去韓國

喔！

呢個套餐仲有甜品同橙，甜品係咩黎？我估係酒糟掛唔太清楚！

總括大家意見，大家都覺得炆牛肋骨好好味，而我就最鐘意呢度有韓國feel喇！下次如果我去唔成韓國，就可以黎呢度食個韓國餐止止痕喇！呵呵呵！