忙碌的五天假

由年廿九到年初三一連放左五日假，琴日終於要返工，朝早起身好辛苦

喔！因為ｌｅｅ五日我都好忙，忙著打掃同拜年，年廿九朝大掃除，夜晚食完團年飯便到維園行花市，嘩！

好多人呀！雖然好多人，不過我地都買左小小花返屋企。到年三十繼續大掃除。

年初一同年初二必定做嘅事就係到長輩家拜年

，今年年初三跟往年唔同，早上入馬場

入場的禮物

最初馬埸沒有太多人，可能時間尚早

雖然入左馬場，不過我冇買馬只係睇表演

首先林峯跟著阿蘇

仲有玲玲師傅同汪阿姐

當然唔少得醒獅表演

連騎師都跟大家拜年，最後來張大合照添

睇完表演見到馬場好多人，所以睇左兩場後便離開

年初三因為赤口不會去拜年，所以去大埔林村拜通心樹，亦即係許願樹，ｌｅｅ度係我由細到大跟著阿媽同外公外婆、姨媽、阿姨、舅父、表哥、表妹等一行幾十人一起去嘅地方，現在跟以前有點不同，這裡比以前靚左，人多左，但係我覺得還是以往氣氛好，現在嗰株樹亦變了假樹，有點怪怪的。

上面係許願廊，下面就係假的許願樹

五天假期就此完結，昨日返工好累，但係不能放假，幸好這星期返兩天，明天不用返工我可以大訓特訓喀！哈！哈！